CHRIST TEMPLE

✝️ CHRIST TEMPLE-PRODDATUR - మిక్కిలి జ్ఞానము కలిగిన నాలుగు చిన్న జీవులు. 👉 _సామెతలు 30:24-28_ *1.చీమలు..*  దూరదృష్టి బలము లేని జీవులు అవి ఆహారము సంపాదించుకొనుటకు సరియైన సమయం ముందుగా ఎంచుకొనును. సామెతలు 6: 6-8. సోమరీ, చీమలయొద్దకు వెళ్లుము వాటి నడతలు కనిపెట్టి జ్ఞానము తెచ్చుకొనుము. వాటికి న్యాయాధిపతి లేకున్నను పై విచారణకర్త లేకున్నను అధిపతి లేకున్నను అవి వేసవికాలమందు ఆహారము సిద్ధపరచుకొనును కోతకాలమందు ధాన్యము కూర్చుకొనును. ముందుచూపు అనేది తెలివైన లక్షణము.  యేసు ప్రభువు గోపురము కట్టగోరిన వ్యక్తి, యుద్ధమునకు పోవు రాజు ముందుగా ఆలోచించుకొనుటను గూర్చి చెప్పెను.(లూకా 14:28-32) అన్యాయస్తుడైన గృహనిర్వాహకుడు ఉపమానము కూడా ఇదే సూత్రం నేర్పించును.(లూకా 16:1-8) పేతురు తన రెండవ పత్రికలో దేవుని వాగ్దానాలు నమ్మి ఆత్మీయజీవితమునకు కావలసిన వాటిని అమర్చుకొనలేనివారు దూరదృష్టి లేనివారని వ్రాసెను. (2పేతురు 1:9) *2.చిన్న కుందేళ్లు...* భద్రత. సామెతలు 30: 26 చిన్న కుందేళ్లు బలములేని జీవులు అయినను అవి పేటు సందులలో నివాసములు కల్పించుకొనును. కీర్తనలు 104: 18 గొప్ప కొండలు కొండమేకలకు ఉనికిపట్లు క...

✝️ CHRIST TEMPLE-PRODDATUR - నీ అందమే నీ అతిశయమా..? దేవుడు సృష్టించిన సృష్టి మహోన్నతమైనది, అత్యంత సుందరమైనది. ఆ సృష్టిలో స్త్రీ అందమైనది. అయితే, తన అందాన్ని ఇంకా యినుమడింప జేసుకోవడానికి తాను పడని తిప్పలంటూ ఏమి లేవేమో? చెప్పుకొంటూపోతే దానికి అంతమంటూ వుండదేమో? పరిశుద్ధ గ్రంథములో కూడా కొందరి స్త్రీల అందమును గూర్చి ప్రస్తావించబడింది. కానీ వారి అందమునుబట్టి కొనియాడబడిన స్త్రీ ఒక్కరూ లేరు సరికదా. అందము మోసము, అది వ్యర్థమని పరిశుద్ధ గ్రంధం ప్రభోధిస్తుంది.  *శారీరిక అందము*  👉 శారాయి చక్కనిది (ఆది 12:11) 👉 రిబ్కా మిక్కిలి చక్కనిది (ఆది 24:16) 👉 రాహేలు రూపవతి, సుందరి (ఆది 29:17) 👉 అబీగయీలు రూపసి (1 సమూ 25:3) 👉 బత్షెబ బహు సౌందర్యవతి (2 సమూ 11:3) 👉 వష్తి సౌందర్యవతి ( ఎస్తేరు 1:11 ) 👉 ఎస్తేరు,  అందమైన రూపము, సుందర ముఖమును గలది (ఎస్తేరు 2:7) 👉 యెమీమా, కెజీయా, కెరెంహప్పుకు (యోబు కుమార్తెలు) ఊజు దేశమంతటిలో సౌందర్యవతులు. ( యోబు 42:15) *🤞అందము వ్యర్ధము:* అందము మోసకరము. అది నిన్ను కొన్నిసార్లు శోధనకు గురిచెయ్యవచ్చు. అట్లా అని శోధించబడటం పాపం కాదు. శోధనలో పడడమే పాపం. అంద...

✝️ CHRIST TEMPLE-PRODDATUR - నా గొర్రెలు నా మాట వినును..   ప్రియమైన క్రైస్ట్ టెంపుల్ సంఘ విశ్వాసులారా..మీ సేవకున్ని అయిన నా స్వరము మీకు వినబడుతోందా ? పరీక్ష చేసుకోండి.. 👉 నీ కాపరి స్వరాన్ని వినగలుగుతున్నావా ? 👉 ఆ స్వరానికి లోబడగలుగుతున్నావా ?  👉 నీ కాపరిని వెంబడించగలుగుతున్నావా ? _నా గొఱ్ఱలు నా స్వరము వినును, నేను వాటి నెరుగుదును, అవి నన్ను వెంబడించును. - యోహాను 10:27_ *నీవు గొర్రెవు అయితే ?* ▫️నీముందు మంచి కాపరి, ప్రధాన కాపరి అయిన యేసయ్య వుండాలి. ▫️నీ కాపరి (పాస్టర్) అడుగుజాడల్లో నడవాలి. ▫️ఆయన స్వరం వినాలి. ▫️గొర్రెలకు గాయపరచే అవయవాలు( కొమ్ములు) లేవు. అట్లాంటి సాదు స్వభావం నీకుండాలి. ( సేవకుని మీద కూడా తిరగబడి మాట్లాడుతూ , సంఘం కు రాకుండా నీ ఇష్టానుసారం జీవిస్తూ ఉన్నావంటే నీకు కొమ్ములు వున్నాయని అర్థం) ▫️ నీ మాటలు గాని, నీ క్రియలుగాని ఎవ్వరిని గాయపరచే విధంగా ఉండకూడదు. ▫️వాటి సంఖ్యా బలం వాటిని రక్షించ లేదు. ఒక్క  గొర్రెవున్నా, లక్ష గొర్రెలు కలసి వున్నా తోడేలు సులభంగా వాటిని ఎత్తుకొని పోగలదు. నీవెనుకనున్నవారు, నీ ఆస్తులు, నీ ధనము నీ బలం కాకూడదు. యేసయ్య నీ బల...

- సేవకులకు  సలహా -  సేవకులకు  సలహా -   👉 *1. బ్రతుకు భారమై సేవకు రాకు,  ఆత్మల భార మెక్కువై సేవకు రా* 👉 *2. నీ ఆకలి తీర్చుకొనుటకు సేవకు రాకు,  అనేకుల ఆత్మీయ ఆకలి తీర్చుటకు సేవకు రా* 👉 *3.సంఘ రాబడి కోసం సేవకు రాకు,  సంఘములో అనేకులను చేర్చడం కోసం సేవకు రా* 👉 *4. ఆధిక్యతల కోసం సేవకు రాకు,  అణుకువ కలిగియుండుటకు సేవకు రా* 👉 *5. ప్రతి అవసరత కోసం ప్రజల వైపు చూచుటకు సేవకు రాకు, ప్రభువు వైపు చూచుటకు సేవకు రా* 👉 *6. ప్రజల మీద నమ్మకంతో సేవకు రాకు, ప్రభువు మీద నమ్మకముతో సేవకు రా* 👉 *7. నీ వృద్ధాప్యపు ప్రారంభములో సేవకు రాకు, యౌవన కాలం ప్రారంభములో సేవకు రా* 👉 *8. సంఘములో లేఖన సత్యాలను నేర్చుకోకుండా సేవకు రాకు, లేఖన సత్యాలను నేర్చుకొని సేవకు రా* 👉 *9. ప్రభువు పిలుపు లేకుండా సంఘ సాక్షము లేకుండా సేవకు రాకు,  ప్రభువు పిలుపు సంఘ సాక్ష్యము కలిగి సేవకు రా* 👉 *10. నీ పేరు కోసం సేవకు రాకు,  ప్రభువు పేరు మహిమ పరచడం కోసం రా* ✅ _అప్పుడు ప్రభువు నిన్ను సేవలో వాడుకుంటాడు.. తద్వార దేవునికి మహిమ కలుగుతుంది!_ 👉 *అనేక విషయములలో మన మందరము తప్పిపోవు...

✝️ CHRIST TEMPLE-PRODDATUR - మోహపు చూపుతో.. ప్రభువైనయేసు కొండమీద ప్రసంగంలో ఒక వ్యక్తి ఒక స్త్రీని మోహపు చూపుతో చూసిన యెడల అతడు తన హృదయమందు ఆమెతో వ్యభిచారము చేసినవాడగును అని తన శిష్యులతో చెప్పాడు. కాబట్టి అతడు రెండు కళ్ళతో నరకానికి వెళ్ళుటకంటే ఒక కంటిని పెరికివేయుట మంచిదని ప్రభువు చెప్పాడు. కాబట్టి ఒక వ్యక్తి అలవాటుగా ఎల్లప్పుడు మోహపు చూపు చూస్తూనే ఉన్నట్లయితే అతడు నరకానికి కూడా వెళ్ళవచ్చునని ప్రభువు చెప్పారు. ఆదాము కాలము నుండి ఈనాటివరకు ఒక మనిషి హృదయములో ఉన్న ఆ మోహమనే తలంపు ప్రతి మనిషి హృదయంలో ఉన్నది. పరిశుద్ధాత్మయొక్క అగ్ని మాత్రమే దీనిని నశింపజేయగలదు. నీ హృదయము పాపము చేయుటకు దురాశలో మండుచుండవచ్చు లేక ప్రభువైనయేసు కొరకు ప్రేమతో మండుచుండవచ్చు. *నీవు ఏదో ఒక దానిని ఎంచుకోవాలి. ఒకటి ఇప్పుడు నిన్ను పరిశుద్ధపరచే అగ్ని లేక భవిష్యత్తులో నిన్ను కాల్చే అగ్ని. మరొకమార్గం లేదు.* ప్రభువు మాట్లాడిన యూదా ప్రజలు ధర్మశాస్త్ర ప్రకారం ఉన్నత ప్రమాణాలు కలిగియున్నారు. వారు అంత ఖచ్చితముగా ధర్మశాస్త్రమును వెంబడించుటవలన వ్యభిచారులుగా జీవిస్తున్న వారిని చంపి శిక్షించేవారు. ఇప్పటిలాగా లైంగిక సంబంధ ప...

✝️ CHRIST TEMPLE-PRODDATUR  నిందలు బరించడం కూడా గొప్ప భాగ్యమే.. మోషే పెద్దవాడైనప్పుడు విశ్వాసమునుబట్టి ఐగుప్తు ధనముకంటె క్రీస్తు విషయమైన నింద గొప్ప భాగ్యమని యెంచుకొని, అల్పకాలము పాప భోగము అనుభవించుటకంటె దేవుని ప్రజలతో శ్రమ అనుభవించుట మేలని యోచించి, ఫరో కుమార్తెయొక్క కుమారుడని అనిపించుకొనుటకు ఒప్పుకొనలేదు; ఏలయనగా అతడు ప్రతిఫలముగా కలుగబోవు బహుమానమందు దృష్టి యుంచెను. హెబ్రీ 11:24-26 *మోషే:* ▪️ఐగుప్తీయుల సకలవిద్యలను అభ్యసించినవాడు.  ▪️మాటలయందును, కార్యములయందును ప్రవీణుడు. అపో 7:22 అంతటి ప్రావీణ్యం పొందిన మోషే అరణ్యంలో తన మామ మందలను మేపుతున్నాడు.  నిర్గమ 3:1 కారణం? మోషే తేల్చుకోవలసిన రెండు విషయాలు ఆయన ముందు నిలబడ్డాయి.  ▪️దేవుడా?  ▪️లోకమా? ▪️ఐగుప్తు ధనమా? ▪️క్రీస్తువిషయమైన నిందా? ▪️అల్పకాల పాపభోగమా? ▪️దేవుని ప్రజలతో శ్రమా?  ▪️ఫరో కుమార్తెయొక్క కుమారుడని అనిపించుకోవడమా?  ▪️అధికారాన్ని త్రోసివేయడమా? ..ఆలోచించడం మొదలు పెట్టాడు. ♻️ ఐగుప్తు ధనమా? నీ ధనమెక్కడ నుండునో అక్కడనే నీ హృదయము ఉండును. (మత్తయి 6:21) ధనము దేవుని నుండి దూరం చేస్తుంది. అది వద్దు అ...

✝️ CHRIST TEMPLE-PRODDATUR విశ్వాసము   ఒకవేళ పాస్ పోర్ట్, వీసా లేకపోయినా ఏదో సముద్ర మార్గం గుండా వేరే దేశానికి వెళ్లిపోగలవేమో గాని, యేసు క్రీస్తు లేకుండా, నిత్యరాజ్యం చేరడానికి నీకు వేరే మార్గము లేనేలేదు.    యేసు నేనే మార్గమును, సత్యమును, జీవమును; నా ద్వారానే తప్ప యెవడును తండ్రియొద్దకు రాడు.             యోహాను 14:6   నిత్యజీవాన్ని నీవు చేరాలంటే? దాని 'మార్గమైన' యేసు ప్రభువును నీవు చేరాలి. 'విశ్వాసమే' నిన్ను ఆయన యొద్దకు చేర్చగలదు.     *1. 'విశ్వాసమే' రక్షణకు మార్గము.*   మీరు విశ్వాసముద్వారా కృపచేతనే రక్షింపబడియున్నారు.                ఎఫెస్సి 2:8   నమ్మి బాప్తిస్మము పొందినవాడు రక్షింపబడును; నమ్మని వానికి శిక్ష విధింపబడును (మార్కు ‪16:16‬)   యేసు ప్రభువని నీ నోటితో ఒప్పుకొని, దేవుడు మృతులలోనుండి ఆయనను లేపెనని నీ హృదయమందు విశ్వసించినయెడల, నీవు రక్షింపబడుదువు. (రోమా 10:9)   *2. ఎవరయితే ఆయనను విశ్వసిస్తారో? వారు మాత్రమే ఆయన పిల్లలు.*   తన్ను ఎందరంగ...

✝️ CHRIST TEMPLE-PRODDATUR - మనల్ని దేవునికి దగ్గరగా నడిపించేవి సమస్యలే.. ప్రతీ సమస్య వెనుక దేవునికి ఒక ఉద్దేశ్యమున్నది. మన గుణశీలతను మెరుగుపరచడానికి ఆయన పరిస్థితులను వాడుకుంటారు.  లోకములో సమస్యలు వుంటాయని యేసు మనలను హెచ్చరించారు. యోహాను 16: 33 నాయందు మీకు సమాధానము కలుగునట్లు ఈ మాటలు మీతో చెప్పుచున్నాను. లోకములో మీకు శ్రమ కలుగును; అయినను ధైర్యము తెచ్చుకొనుడి, నేను లోకమును జయించి యున్నాననెను.   బాధకు, శ్రమకు ఎవ్వరూ అతీతులు కారు. సమస్యలేని జీవితము లేదు. జీవితము సమస్యల వలయమైయున్నది. ప్రతీసారి ఒక సమస్య పరిష్కరింపబడగానే, మరొకటి సిద్ధంగా ఉంటుంది. వాటిలో అన్నీ పెద్దవికావు. కానీ నీ ఎదుగుదల విధానములో దేవుని దృష్టిలో ఒక పాఠము, అర్ధము కలిగినవే.  ప్రియులారా, మిమ్మును శోధించుటకు మీకు కలుగుచున్న అగ్నివంటి మహాశ్రమనుగూర్చి మీకేదో యొక వింత సంభవించునట్లు ఆశ్చర్యపడకుడి. (1 పేతురు 4:12)  తనకు సన్నిహితముగా నిన్ను ఆకర్షించుటకు దేవుడు సమస్యలను ఉపయోగిస్తాడు.  విరిగిన హృదయముగలవారికి యెహోవా ఆసన్నుడు నలిగిన మనస్సుగలవారిని ఆయన రక్షించును. (కీర్తనలు 34:18)  నీ చీకటి రోజుల్ల...

✝️ *CHRIST TEMPLE-PRODDATUR* - మందలో చేరిన గొర్రెలు రెండు రకములు.. ఒకటి : మెదడు ఉన్న గొర్రెలు. రెండు : మెదడు లేని గొర్రెలు. ప్రియమైన సంఘమా ప్రభువైన యేసుక్రీస్తు నామమున మీ అందరికీ వందనములు. ఈ రోజు మనం ధ్యానం చేయుచున్న అంశం సంఘంలో చేర్చబడుతున్న రెండు రకాలుగా వున్న గొఱ్ఱెపిల్లలు ( విశ్వాసులు) గురించి ధ్యానం చేద్దాం.  *1.మెదడు ఉన్న గొఱ్ఱెలతో పెద్ద సమస్య ఏమీ ఉండదు.* అవి 👉 తమ కాపరి స్వరాన్ని వింటాయి. 👉 తమ కాపరి ఎవరో గుర్తిస్తాయి. 👉 తమ కాపరిని మాత్రమే వెంబడిస్తాయి. 👉 ఏది సత్యమో, ఏది అసత్యమో తెలుసుకునే వివేచన ఈ గొఱ్ఱెలకు ఉంది. 👉 కాపరి మాటకు కట్టుబడి వుంటాయి. కారణం ఇవి “మెదడు ఉన్న గొర్రెలు" ఈ గొఱ్ఱెలకు మెదడు(వివేచన శక్తి) ఉంది. అపొస్తలుడైన పౌలు బెరయలో వాక్యం ప్రకటిస్తూ ఉన్నప్పుడు బెరయలోని మనుష్యులు పౌలు ప్రకటిస్తున్న వాక్యం లేఖనాల ప్రకారంగా ఉందా లేదా అని పరిశీలించి, ఆ తరువాత అతని వాక్యప్రకటన లేఖనాల ప్రకారంగానే ఉందని గ్రహించి అప్పుడు పౌలు చెబుతున్నమాటల మీద విశ్వాసం ఉంచారు. అపో.కార్యములు 17: 11 వీరు థెస్సలొనీకలో ఉన్న వారికంటె ఘనులైయుండిరి గనుక ఆసక్తితో వాక్యమును అంగీకరించి, ...

✝️ CHRIST TEMPLE-PRODDATUR - మీ పిల్లలు ఆశీర్వాదాలకు సూచనలు.. ఇదిగో, నేనును, యెహోవా నాకిచ్చిన పిల్లలును, సీయోను కొండమీద నివసించు సైన్యములకధిపతియగు యెహోవా వలని సూచనలుగాను, మహత్కార్యములుగాను ఇశ్రాయేలీయుల మధ్య ఉన్నాము. యెషయా 8:18 నా ప్రియమైన సహోదరీ, సహోదరులారా, నేడు ఈ సందేశమును చదువుచున్న మీ పిల్లలను దేవుడు ఆశీర్వదించాలని కోరుచున్నాడు. అంతమాత్రమే కాదు, మీ పిల్లలు మార్గము తప్పిపోకుండా, దేవుని వలన సూచనలుగాను, మహత్కార్యములుగాను ఉండుటకు తీసుకొనవలసిన జాగ్రత్తలేమిటి ? అని మనము చూచినట్లయితే, మన పిల్లలను చిన్న తనమునుండే దేవుని మార్గములో నడిపించినవారము అవుతాము. అప్పుడే, వారు ఆ మార్గము తొలగిపోకుండా వుంటారని బైబిల్ చెబుతుందిలా,  " బాలుడు నడువవలసిన త్రోవను వానికి నేర్పుము వాడు పెద్దవాడైనప్పుడు దాని నుండి తొలగిపోడు'' (సామెతలు 22:6)   మీ పిల్లల స్థితి ఎలాగున వున్నదో ఒక్కసారి మిమ్మును మీరు పరీక్షించుకొనండి. మీ పిల్లల జీవితాలు ఏలా వున్నాయో? ఒక్కసారి గుర్తించండి. మరియు " ఇదిగో నేనును, యెహోవా నాకిచ్చిన పిల్లలును, సీయోను కొండ మీద నివసించు సైన్యములకధిపతియగు యెహోవా వలని సూచనలన...

✝️ CHRIST TEMPLE-PRODDATUR -దేవుని కృప.. నా కృప నీకు చాలును, బలహీనత యందు నా శక్తి పరిపూర్ణమగుచున్నది... 2కొరింథీయులకు 12:9 నా ప్రియ స్నేహితులారా, నేడు ఈ సందేశమును చదువుచున్న మీకు తన పరిపూర్ణమైన కృపను ఇవ్వాలని ప్రభువు మీ పట్ల కోరుచున్నాడు. నేడు మీరు బలహీనులుగా ఉన్నారని చింతించుచున్నారా? దిగులుపడకండి, దేవుడు మీ బలహీనతలను తొలగించి, మిమ్మును తన యొక్క కృపనిచ్చి బలపరచును. అందుకే నేటి వాగ్దానముగా, బైబిల్ నుండి  2కొరింథీయులకు 12:9 వ వచనము తీసుకొనబడినది. ఆ వచనము, " నా కృప నీకు చాలును, బలహీనత యందు నా శక్తి పరిపూర్ణమగుచున్నది...'' అని ప్రభువు నేడు ఈ సందేశమును చదువుచున్న మీకు సెలవిచ్చుచున్నాడు. దేవుని కృప మనకు చాలునా? అంటే, ఇది అన్నిటికంటే అత్యధికమైనది. అందుకే యాకోబు 4:6వ వచనమును మనము చూచినట్లయితే, " ఆయన ఎక్కువ కృప నిచ్చును; అందుచేత దేవుడు అహంకారులను ఎదిరించి దీనులకు కృప అనుగ్రహించును '' అని లేఖనము చెప్పుచున్నది. అవును, దేవుని కృపను మనకు విస్తారముగా కుమ్మరించబడుతుంది. దేవుడు మన లోపాలను జయించుటకు మనలను అంత ఎక్కువ కృపతో నింపుచున్నాడు. కాబట్టి, దేవుని కృపను అం...

✝️ CHRIST TEMPLE-PRODDATUR - మీకు అప్పగించిన పరిచర్యను నెరవేర్చండి.. కొలొస్సయులకు 4:17 "మరియు ప్రభువునందు నీకు అప్ప గింపబడిన పరిచర్యను నెరవేర్చుటకు దానిగూర్చి జాగ్రత్త పడుమని అర్ఖిప్పుతో చెప్పుడి." మనలో ప్రతి ఒక్కరూ దేవుని పరిచర్య కోసం పిలువబడినవారము, బహుశా సంఘ కార్యక్రమాలలో, కీర్తనలు పాడటానికి, వాయిధ్యములు ద్వారా సంగీతము ఆలపించడానికి, సంఘ పెద్దగా వుండి సంఘాన్ని జాగ్రత్తగా కాపాడుకోవడానికి, సేవకునికి పరిచర్యలో శిష్యునిగా వుండటానికి, సేవకునికి అండగా నిలవడానికి, లేదా పిల్లల మధ్య లేదా పెద్దల మధ్య పరిచర్య, ప్రార్థన సహవాసం లేదా మన ముందు ఉంచబడిన ఏదైనా ప్రత్యేక పిలుపు అయి ఉండవచ్చు. గుర్తుంచుకోండి, ఈ పరిచర్య మీకు ప్రభువు వలన అనుగ్రహించబడినది. పరిచర్య లేదా పిలుపు ప్రభువు ద్వారా నేరుగా ఇవ్వబడింది, బహుశా ప్రవచనంలో లేదా ఉన్నతమైన పిలుపు ద్వారా ఇవ్వబడింది. అయితే, విధేయత మరియు విశ్వాసంతో ఈ పరిచర్యలో మన పనులను మనం నెరవేర్చాలి. కొన్ని సార్లు మనకు అప్పజెప్పిన పని చేయుటలో మనం వెనుకంజ వేస్తూ ఉంటాము? కారణం ఏమై యుండవచ్చు? మీరు పరిచర్య చేయడానికి అర్హులు కాదనే భయమా? లేదా సేవకుని మాట లెక్క...

✝️ CHRIST TEMPLE-PRODDATUR  నమ్మకమైన వానికి దీవెనలు మెండు.. నమ్మకమైన వానికి దీవెనలు మెండుగా కలుగును. సామెతలు 28:20 నా ప్రియమైనవారలారా, ఈలోకములో జీవించుచున్న మనలను దేవుడు నమ్మకమైన వారినిగా చేయాలని కోరుచున్నాడు. ఎప్పుడైతే, మనము ఆలాంటి నమ్మకమైనవారముగా ఉంటున్నామో అప్పుడు ఆయన యొక్క ఆశీర్వాదము మన మీదికి దిగివస్తుంది. ఈ సందేశము ధ్యానిస్తున్న మీ జీవితములో నేడు దీవెనలు లేవని చింతించుచున్నారా ? కలవరపడకండి, మన దేవుడు నమ్మకస్థుడు. కాబట్టి, మీరు కూడ ఆయన యందు నమ్మకము కలిగి జీవించాలని ఆయన మీ పట్ల వాంఛించుచున్నాడు. అందుకే " నమ్మకమైన వానికి దీవెనలు మెండుగా కలుగును '' (సామెతలు 28:20) అని బైబిల్ చెప్పిన విధంగా మీరు ఎప్పుడైతే దేవుని యందు నమ్మకము కలిగియుందురో, అప్పుడు దేవుని దీవెనలు మీ జీవితములో మెండుగా కుమ్మరించబడతాయి. మెండైన దీవెనలు ఏలాగున కలుగుతాయనగా, మనము దేవుని యందు అన్ని విషయములలోను నమ్మకమైన వారలముగా జీవించాలి. అప్పుడు దేవుడు మనలను మెండైన దీవెనలతో నింపుతాడు. నమ్మకమైనవాడు మెండైన దీవెనలు పొందవలయునని దేవుని ఉద్దేశము. మన శక్తిమంతుడైన దేవుడు మన వ్యక్తిగత జీవితంలో మర...