మీకు అప్పగించిన పరిచర్యను నెరవేర్చండి..

✝️ CHRIST TEMPLE-PRODDATUR

- మీకు అప్పగించిన పరిచర్యను నెరవేర్చండి..

కొలొస్సయులకు 4:17 "మరియు ప్రభువునందు నీకు అప్ప గింపబడిన పరిచర్యను నెరవేర్చుటకు దానిగూర్చి జాగ్రత్త పడుమని అర్ఖిప్పుతో చెప్పుడి."

మనలో ప్రతి ఒక్కరూ దేవుని పరిచర్య కోసం పిలువబడినవారము, బహుశా సంఘ కార్యక్రమాలలో, కీర్తనలు పాడటానికి, వాయిధ్యములు ద్వారా సంగీతము ఆలపించడానికి, సంఘ పెద్దగా వుండి సంఘాన్ని జాగ్రత్తగా కాపాడుకోవడానికి, సేవకునికి పరిచర్యలో శిష్యునిగా వుండటానికి, సేవకునికి అండగా నిలవడానికి, లేదా పిల్లల మధ్య లేదా పెద్దల మధ్య పరిచర్య, ప్రార్థన సహవాసం లేదా మన ముందు ఉంచబడిన ఏదైనా ప్రత్యేక పిలుపు అయి ఉండవచ్చు.

గుర్తుంచుకోండి, ఈ పరిచర్య మీకు ప్రభువు వలన అనుగ్రహించబడినది. పరిచర్య లేదా పిలుపు ప్రభువు ద్వారా నేరుగా ఇవ్వబడింది, బహుశా ప్రవచనంలో లేదా ఉన్నతమైన పిలుపు ద్వారా ఇవ్వబడింది. అయితే, విధేయత మరియు విశ్వాసంతో ఈ పరిచర్యలో మన పనులను మనం నెరవేర్చాలి.

కొన్ని సార్లు మనకు అప్పజెప్పిన పని చేయుటలో మనం వెనుకంజ వేస్తూ ఉంటాము? కారణం ఏమై యుండవచ్చు? మీరు పరిచర్య చేయడానికి అర్హులు కాదనే భయమా? లేదా సేవకుని మాట లెక్కజేయకుండా ఇష్టానుసారం జీవించడమా ? ఈ రోజు సంఘానికి రాకుండా మీకు ఏదైనా ఎమర్జెన్సీ పని  పడివుండవచ్చు..ఏది ఏమైనా దేవునికి భయపడే మనసు నీలో వుండాలి, సేవకుడు అప్పగించిన పని పూర్తి చేసి నమ్మకమైన వారిగా సంఘంలో నిలవాలి.

ప్రియమైన స్నేహితులారా, దేవుడు నిన్ను మళ్లీ అడుగు ముందుకువేయమని పిలుస్తున్నాడు. మీరు సందేహించాల్సిన అవసరం లేదు. మీరు గతాన్ని మార్చలేరు. మీరు ఇప్పటికే చేసిన దాన్ని రద్దు చేయలేరు. కానీ మీరు ఈరోజు ప్రభువు దగ్గరకు వచ్చి ఇలా చెప్పవచ్చు, "దేవా, సంకోచించినందుకు నన్ను క్షమించు. నా జీవితంలో ఈ సమయంలో మీరు నాకు అప్పగించిన పని, నేను దీన్ని చేయాలనుకుంటున్నాను. నేను నిన్ను పూర్తిగా అనుసరించాలనుకుంటున్నాను. నేను ముందడుగు వేయడానికి సిద్ధంగా ఉన్నాను.. ఆమెన్..అని

మీకు అప్పజెప్పిన పరిచర్యలో దేవుని దిశానిర్దేశంతో ముందుకు సాగండి, ఆయన మీకు సహాయం చేయడానికి మీ పక్కనే నడుస్తాడని గ్రహించండి..సేవకుడు మీకు అప్పగించిన పని నమ్మకంగా చేయండి..దేవుని దృష్టిలో, సేవకుని దృష్టిలో నీవే ముఖ్యమైన వ్యక్తివి అవుతావు..నమ్మకంగా సేవ చేయడం వలననే దానియేలు ముఖ్యుడు అయ్యి ప్రధానమంత్రి అయ్యాడు.. ఈ రోజే ఇక నీవు నిర్ణయం తీసుకోవాలి..ప్రభువా నీవు అప్పగించిన పని చేస్తాను మా సేవకుని మాట ప్రకారం నేను నడుచుకుంటానని.. ఇప్పుడే ప్రార్థన చేసుకో దైవ ఆశీర్వాదములు పొందుకో.. ఆమెన్..

✝️ CHRIST TEMPLE-PRODDATUR