నా గొర్రెలు నా మాట వినును..

✝️ CHRIST TEMPLE-PRODDATUR

- నా గొర్రెలు నా మాట వినును..

 

ప్రియమైన క్రైస్ట్ టెంపుల్ సంఘ విశ్వాసులారా..మీ సేవకున్ని అయిన నా స్వరము మీకు వినబడుతోందా ? పరీక్ష చేసుకోండి..

👉 నీ కాపరి స్వరాన్ని వినగలుగుతున్నావా ?

👉 ఆ స్వరానికి లోబడగలుగుతున్నావా ? 

👉 నీ కాపరిని వెంబడించగలుగుతున్నావా ?

_నా గొఱ్ఱలు నా స్వరము వినును, నేను వాటి నెరుగుదును, అవి నన్ను వెంబడించును. - యోహాను 10:27_

*నీవు గొర్రెవు అయితే ?*

▫️నీముందు మంచి కాపరి, ప్రధాన కాపరి అయిన యేసయ్య వుండాలి.

▫️నీ కాపరి (పాస్టర్) అడుగుజాడల్లో నడవాలి.

▫️ఆయన స్వరం వినాలి.

▫️గొర్రెలకు గాయపరచే అవయవాలు( కొమ్ములు) లేవు. అట్లాంటి సాదు స్వభావం నీకుండాలి. ( సేవకుని మీద కూడా తిరగబడి మాట్లాడుతూ , సంఘం కు రాకుండా నీ ఇష్టానుసారం జీవిస్తూ ఉన్నావంటే నీకు కొమ్ములు వున్నాయని అర్థం)

▫️ నీ మాటలు గాని, నీ క్రియలుగాని ఎవ్వరిని గాయపరచే విధంగా ఉండకూడదు.

▫️వాటి సంఖ్యా బలం వాటిని రక్షించ లేదు. ఒక్క  గొర్రెవున్నా, లక్ష గొర్రెలు కలసి వున్నా తోడేలు సులభంగా వాటిని ఎత్తుకొని పోగలదు. నీవెనుకనున్నవారు, నీ ఆస్తులు, నీ ధనము నీ బలం కాకూడదు. యేసయ్య నీ బలం అయ్యుండాలి.

▫️గొర్రె స్వచ్చమైన నీరు త్రాగుతుంది. మరి మనం ?

▫️స్వచ్చమైన ఆకుపచ్చని మొక్కలను తింటుంది. ఎండినవి, క్రుల్లినవాటి జోలికిపోదు. మరి మనం ?

▫️గొర్రెను  బలవంతంగా త్రోసినా బురదలో పడడానికి ఇష్టపడదు..మరి మనం ? 

▫️గొర్రె  ఒకవేళ అది బురదలో పడినా ఒక్క నిమిషం దానిలో ఉండలేదు. ఆలస్యం అయితే చనిపోతుంది కూడా..మరి మనం? ( మందిరానికి రాక ఎన్ని వారాల నుండి బురదలో వున్నావు ?  

▫️సంవత్సరాల తరబడి బురద కలిగిన జీవితం..జీవిస్తున్నారు కదా ? కాపరి గద్ధింపు నీకు అసహ్యమా ? దేవుని మందిరం అంటే నీకు భయం లేదా ? వాక్యం అంటే నీకు భయం లేదా ? నీ జీవితం ఒకసారి పరీక్ష చేసుకో ?

▫️మాంసం అమ్మే వాడు ఒక గొర్రెను మెడ నరికినా, దానిని చూచి మిగిలిన గొర్రెలు వాడిమీద తిరుగబడవు. ( మరి నీ సంగతేంటి ? నీకు నచ్చినట్లు వాక్యం చెబితే మంచి పాస్టర్ అంటావు. తప్పు చేస్తున్నావు అని వాక్యం చేత గద్ధిస్తే ఈ రోజు నాగురించే వాక్యం చెప్పినాడు అని పది మందికి చెప్పి పాస్టర్ మీద తిరగబడి మాట్లాడుతూ..నీవు చెడిపోయింది కాక అందరినీ చేడుపుతూ సంఘాన్ని పాడుచేస్తున్నావా ?

▫️నిజమైన విశ్వాసులు సంఘం కోసం, దేవుని కోసం ప్రాణం పోగొట్టుకోవలసిన పరిస్టితులు వచ్చినా వాటికోసం సిద్దపడాలి..ఆలాంటి తెగింపు నీలో వుందా ?

*- గొర్రె వంటి అనుభవాలు నీకు లేకపోతే ?*

▫️ నీ కొరకు ప్రాణం పెట్టిన యేసయ్య స్వరాన్ని వినలేవు. 

▫️ ఆ స్వరానికి లోబడలేవు. 

▫️ నీ ప్రియ రక్షకుని వెంబడించలేవు. 

👉 దీని ఫలితం అత్యంత ఘోరం! 

నీవు క్రూరమృగమనే సాతాను మృత్యుకోరల్లో చిక్కుతావు. ఇక నిత్య మరణమే శరణ్యం! 

 వద్దు! వద్దు! ఈ రోజే అహంకారం, గర్వం వదిలేసి సంఘ సేవకునితో సమాధానం పొందుకో ! సంఘంలో చెర్చబడదాము. ఆయన మెల్లనైన స్వరాన్ని విందాం! 

👉 *దైవ సేవకుడు నీ కోసం కన్నీళ్లు కారిస్తే నీకు ఆశీర్వాదం..కానీ నిన్ను బట్టి నీ ప్రవర్తన బట్టి కన్నీళ్లు కారిస్తే అది నీకు శాపము తెలుసా ?*

మీ సంఘంలో మీ పాస్టర్ ను గౌరవిస్తున్నారా ? ఆయన మాట వింటున్నారా ? ఆయన పిలుపు నీకు వినబడుతుందా ?

_ఇదిగో నేను తలుపునొద్ద నిలుచుండి తట్టుచున్నాను. ఎవడైనను నా స్వరము విని తలుపుతీసిన యెడల, నేను అతనియొద్దకు వచ్చి అతనితో నేనును, నాతోకూడ అతడును భోజనము చేయుదుము. (ప్రకటన 3:20)_

▫️కాపరి స్వరానికి లోబడదాం!

▫️ప్రియ రక్షకకుడును, మంచి కాపరి, ప్రధాన కాపరియైన యేసయ్యను వెంబడిద్దాం! 

▫️నిత్యరాజ్యానికి చేరుదాం!

అట్టి కృప, ధన్యత ప్రభువు మనకు అనుగ్రహించునుగాక! ఆమెన్! 

✝️ CHRIST TEMPLE-PRODDATUR