మీ బిజినెస్ & మీ టార్గెట్ లో గెలుపు కావాలా..?

  *CHRIST TEMPLE - PRODDATUR*

Bible sermons by pastor Nakkolla Balasubramanyam Daniel

  మీ బిజినెస్ & మీ టార్గెట్ లో గెలుపు కావాలా..?

బైబిల్ కేవలం మత గ్రంథమే కాదు, నాయకత్వ లక్షణాలను తెలియజెప్పే మేనేజ్‌మెంట్ బుక్ కూడా. వ్యాపార విజయాలు, నిర్వహణాసూత్రాల గురించి అద్భుత స్ఫూర్తి  బైబిలే. అలాంటి కొన్ని ఉదాహరణలు మీకోసం..
 
1.ప్రణాళిక

 క్రీస్తు పూర్వం 444 సంవత్సరంలో ఇజ్రాయెల్ పరాయి రాజుల పరమైంది.

జెరూసలేమ్‌కు రక్షణగా ఉన్న శివారు గోడ ధ్వంసమైంది. యూదులు చాలామంది వలస వెళ్లిపోయారు. అలా మరికొంత మంది పర్షియాకు వెళ్లారు. వాళ్లలో ఒకడే నెహెమ్యా. పర్షియా రాజు సేవకుడిగా చేరాడు. అయితే  జెరూస లేమ్‌లోనే ఉండిపోయిన ఇంకొంతమంది యూదులు పట్టణ గోడ కూలడం వల్ల అభద్రతకు లోనై భయపడ్డం మొదలు పెట్టారు. అది నెహెమ్యాకు తెలిసింది. ఎలాగైనా ఆ గోడను మళ్లీ కట్టించాలి అను కున్నాడు.

*వారుచెరపట్టబడినవారిలో శేషించినవారు ఆ దేశములో బహుగా శ్రమను నిందను పొందుచున్నారు; మరియు యెరూ షలేముయొక్క ప్రాకారము పడద్రోయబడినది; దాని గుమ్మములును అగ్నిచేత కాల్చ బడినవని నాతో చెప్పిరి.ఈ మాటలు వినినప్పుడు నేను కూర్చుండి యేడ్చి, కొన్ని దినములు దుఃఖముతో ఉపవాసముండి, ఆకాశమందలి దేవుని యెదుట విజ్ఞాపన చేసితిని.నెహెమ్యా 1:3,4.*

జెరూసలేమ్ స్థితిగతులు, అక్కడి యూదుల బలాబలాలు వంటివన్నీ క్షుణ్నంగా పరిశీలించాడు. గోడ కట్టడానికి ఎలాంటి సరుకు, సామాగ్రి కావాలో నిర్ధా రించుకున్నాడు. నిర్మాణానికి పట్టే సమ యాన్నీ అంచనా వేసుకున్నాడు. దేవుడిని ప్రార్థించి, ఆనక రాజుగారి ప్రాసాదంలోకి అడుగుపెట్టాడు. జెరూసలేమ్‌లోని పరిస్థితిని, తన ప్రణాళికను వివరించి సహాయాన్ని అర్థించాడు. సహాయం అందిస్తే కేవలం 52 రోజుల్లో ఆ గోడ పని పూర్తి చేయగలనని స్పష్టం చేశాడు.

తాను చేయా లనుకున్న టాస్క్‌కు బాస్‌ని ఎలా ఒప్పించాలి అనేదానికి ఇది ఓ మంచి మేనేజ్ మెంట్ పాఠం. తన వాళ్లకోసం రక్షణ గోడ కట్టడానికి శత్రురాజు మద్దతు కూడగట్టు కున్నాడు. అసలు రాజుగారిని నెహెమ్యా నేరుగా సంప్రదించే అవకాశాన్నిచ్చింది ఆయన వ్యక్తిత్వమే. నిబద్ధత, అంకిత భావం, నమ్మకం, నిజాయితీలతో రాజుని ముగ్ధుణ్ని చేసి... ఆ శత్రు రాజ్యం లోంచే జెరూసలేం గోడకు అవసరమైన సరుకు, వస్తుసామాగ్రిని కూడా తీసుకొని జెరూసలేం బయలుదేరాడు నెహెమ్యా.

*ఇదియుగాక నాకు సహాయము చేయు దేవుని కరుణాహస్తమును గూర్చియు, రాజు నాకు సెలవిచ్చిన మాటలన్నియు నేను వారితో చెప్పితిని. అందుకు వారుమనము కట్టుటకు పూనుకొందము రండని చెప్పి యీ మంచికార్యము చేయుటకై బలము తెచ్చుకొనిరి. నెహెమ్యా 2:18*
 
అక్కడికి వెళ్లేసరికి యూదులంతా నిరాశ, నిస్సృహలతో కనిపించారు నెహెమ్యాకి. అంతా ఐకమత్యంగా కాక ఎవరికి వారే అన్నచందంగా ఉన్నారు. వాళ్లందరినీ కూడగట్టి, ఒక్క తాటిమీదకు తెచ్చి జెరూసలేం గోడ కట్టించడం అతనివల్ల కాలేదు. అప్పుడు సమష్టి కృషిపై కాకుండా వ్యక్తి సామర్థ్యం మీద దృష్టి పెట్టాడు. పనిని వ్యక్తికింత చొప్పున విభ జించాడు. ప్రతి యూదుడి దగ్గరకు వెళ్లి ఎంత గోడ కట్టాలో వివరించాడు. ఇంటి దగ్గర్నుంచే గోడ కట్టడం మొదలుపెట్టమని సూచించాడు.

దానికి అవసరమైన సరుకు, వస్తుసామాగ్రిని అందించాడు. అలా అందరికీ పనిని అప్పగించాడు. నెహెమ్యా అంచనా తప్పు కాలేదు. ఆయన ఊహించి నట్టే వాళ్లంతా ఆ పనిలో పడ్డారు. నెహెమ్యా అనుకున్నట్టే గోడను 52 రోజుల్లో పూర్తి చేశారు. టీమ్‌వర్క్ సాధ్యం కాక పోతే స్వతంత్ర వ్యక్తులుగా భాగ స్వామ్యం ఇచ్చి కూడా అనుకున్న సమయంలో పని పూర్తి చేయొచ్చని నిరూపించాడు నెహెమ్యా!
 
2.లీడర్‌షిప్

మేనేజ్‌మెంట్ ప్రిన్సిపుల్స్‌లో లీడర్‌షిప్ సూత్రాన్ని అనుసరించి ఎందరో నాయకులు అద్భుతమైన ఫలితాలను అందుకున్నారు. దీనికి ఆధారం మళ్లీ బైబిలే. సంప్రదాయ నాయకత్వం అధికారాన్ని అనుభవిస్తుంది. కానీ సర్వెంట్ లీడర్‌షిప్ అధికారాన్ని విభజిస్తుంది. పెత్తనం చేయకుండా తన జట్టులోని సభ్యులకు సహకారం అందిస్తుంది.

ఇందులో అధికారి కన్నా కిందున్న వాళ్లకు ఎక్కువ ప్రాధాన్యం ఉంటుంది. అధికారి అప్పగించిన పనిని వాళ్లు సకాలంలో పూర్తి చేయడానికి కావల్సిన సౌకర్యాలు, సహాయసహకారాలు అందిస్తూ ఉంటాడు.  క్రీస్తు ఈ విషయం మీదే దృష్టిపెట్టాడు. ‘అధికారం కావాలనుకున్నవాడు ముందు సేవకుడిగా మారాలి’ అన్నాడు. చేసి చూపించాడు. శిష్యుల కాళ్లు కడిగాడు. 5 వేల మందికి భోజనం ఏర్పాటు చేశాడు. అంటరాని వాళ్లుగా ముద్రపడ్డ కుష్టులను ప్రేమించాడు.
 
నాయకత్వానికి, వ్యాపార నిర్వ హణకు బైబిల్ అందించిన రెండు చక్కటి ఉదాహరణలివి. ఈ లక్షణాలున్న  నాయకుడు వ్యక్తిగా, జట్టుగా చాలా ప్రభావాన్ని చూపిస్తాడు. గాంధీ, మండేలా, లింకన్, మదర్‌థెరిసా వంటివారు ఆ సత్యాన్ని నిరూపించారు కూడా.

ప్రియమైన దేవుని బిడ్డలారా..మీ వ్యాపారం లో, మీ ఉద్యోగం లో, మీ బాస్ మీకు ఇచ్చిన టాస్క్ లో మీరు ఘనవిజయం సాధించుదురు గాక. ఎంతో అమూల్యమైన ఈ సందేశాలు మీరు చదవడం ద్వారా మీరు పొందిన మేలులు మాకు తెలియచేయండి.
దేవాది దేవుడు మిమ్ములను దీవించును గాక. ఆమెన్.
       *CHRIST TEMPLE - PRODDATUR*
మీ ప్రార్థనా అంశాలు మాకు తెలియచేయండి