ఆనందాల నది..

✝️ *CHRIST TEMPLE-PRODDATUR*

ఆనందాల నది..

 నీ మందిరము యొక్క సమృద్ధివలన వారు సంతృప్తి నొందుచున్నారు. నీ ఆనందప్రవాహములోనిది నీవు వారికి త్రాగించుచున్నావు. - కీర్తనల గ్రంథము 36:8 

ప్రపంచవ్యాప్తంగా మన చుట్టూ అనేక విషయాలు జరుగుతున్నాయి. ప్రకృతి వైపరీత్యాలు, అన్యాయం మరియు ప్రమాదాలవంటి  వార్తలు వింటూ ఉంటాము. అంతేకాదు, మనలో అనేకమంది అనేక సవాళ్ళతో అంటే సమస్యలతో పోరాడుతున్నారు.

అయితే, కొన్నిసార్లు ఆనందాన్ని కనుగొనడంలో శ్రమలు మనకు సహాయపడతాయి. ఎలా అంటే మనం మోకరించి ప్రార్థన చేసినప్పుడు, దేవునికి దగ్గరగా బ్రతికినప్పుడు మనం ఆయనలో నిలిచియున్నప్పుడు దేవుడు తన విశిష్ట మార్గంలో మనల్ని ఆనందాలతో ఎలా నింపుతాడో, ఆ ఆత్మీయ సంతోషం, అనుభూతి, ఆనందబాష్పాలు అవన్నీ ఖచ్చితంగా దేవునితో సహవాసం మరింత పెరిగేలా సహాయపడుతుంది.

నా ప్రియమైన స్నేహితులారా, మనం ఎప్పుడు ఏడుస్తూ వుండాలని దేవుని కోరిక కాదు.. మనం సంతోషంగా ఉండాలనే దేవుడు కోరుకుంటున్నాడు. సంతోషభరితమైన ఫలాలతో మనలను పోషించాలని అనుదినం కోరుకుంటున్నాడు.

మన చుట్టూ ఉన్న ప్రపంచం చీకటి వంటి పరిస్థితులగుండా ప్రయాణిస్తున్నప్పుడు, అదే చీకటి ప్రపంచంలోని దేవుని పిల్లలు ఆనందంతో గొప్ప వెలుగులో ప్రకాశిస్తారు.

మనం ఆయన బిడ్డలం కాబట్టి యేసు క్రీస్తు మనల్ని ఆనందాల నదిలో పోషించడానికి సిద్ధంగా ఉన్నాడు. మరి ఆ ఆనంద ప్రవాహం రుచి చూడాలంటే ఈ ఆదివారం నువ్వు దేవుని సన్నిధిలో కనబడాలి. సిద్దంగా వున్నవా ?

యేసు క్రీస్తును తమ స్వంత రక్షకునిగా తెలుసుకున్నవారికే ఈ ఆనందాల నది. ఈ రోజు మీ ప్రార్థన ఈ రీతిగా ఉండనివ్వండి.

 యేసయ్యా  "మీ ఆనందాల నదిలో ప్రవహించే నీరు నాలో ప్రవహించనివ్వండి". బిగ్గరగా ఆమెన్ చెపుదామా. ఆమెన్. 

✝️ *CHRIST TEMPLE-PRODDATUR*