ఏదో ఒక రోజు..దేవుడు నన్ను దీవించడా ?

✝️ *CHRIST TEMPLE-PRODDATUR*

- ఏదో ఒక రోజు..దేవుడు నన్ను దీవించడా ?

 అందుకు యేసు నేను చేయుచున్నది ఇప్పుడు నీకు తెలియదుగాని యికమీదట తెలిసికొందువని అతనితో చెప్పగా.. - యోహాను 13:7

జీవితంలో జరిగే ప్రతీ విషయం అనగా ఈ నిందలు, అవమానాలు, ఈ కష్టాలు నష్టాలు వలన దేవుడు చేయుచున్న అద్భుతాలు ఈరోజు మనకు అర్థం కాకపోవచ్చు, కానీ దేవునికి మనయెడల ఒక ప్రణాళిక ఉందని మరియు ఆయన మన మంచి కోసం ప్రతిదీ చేస్తున్నాడని మనం విశ్వసించవచ్చు. మనం పరిస్థితులను అర్థం చేసుకోలేనప్పుడు కూడా ఆయనపై విశ్వాసముంచమని యేసు క్రీస్తు ప్రభువు మనకు గుర్తు చేస్తున్నాడు. దేవుడు ఏమి చేస్తున్నాడో ఆయనకు తెలుసునని మరియు మన కోసం ఒక ఖచ్చితమైన ప్రణాళికను కలిగి ఉన్నాడని ఈరోజు మనం సంపూర్ణంగా విశ్వసించవచ్చు..అందులో ఏ సందేహం లేదు. మనల్ని త్రునీకరించే వారు త్రునీకరించనీలే, నీ దగ్గర డబ్బు లేదని, ఏమీ చేతగాదు అని హీనంగా చూస్తే చూడనీలే..నీకంటూ ఒక టైమ్ వస్తుంది ఎదురుచూడడం నేర్చుకో..

ఈ సందేశం ధ్యానిస్తున్న ప్రియ స్నేహితులారా.. ఆయన మనల్ని జాగ్రత్తగా చూసుకుంటాడనీ, మనల్ని ఎప్పటికీ విడిచిపెట్టడనీ మరచిపోవద్దు. దేవుడు ఎల్లప్పుడూ ఒక నిర్దిష్టమైన నియంత్రణ కలిగి ఉంటాడని ఆయన మనల్ని ఎప్పటికీ విడిచిపెట్టడని గ్రహించినప్పుడు మనం గొప్ప ఆదరణ పొందవచ్చు. ఇప్పుడున్న ఆర్థిక ఇబ్బందులు, అనారోగ్యం, సమస్యలు వలన దేవుని ప్రణాళిక నేడు మనకు అర్ధం కాకపోయినా, భవిష్యత్తులో ఏదో ఒక రోజు ఖచ్చితంగా నెరవేరుతుందని సంపూర్ణంగా విశ్వసిద్దాం. అట్టి మనసు ప్రభువు మనందరికీ దయజేయును గాక.  ఆమెన్.

✝️ *CHRIST TEMPLE-PRODDATUR*