మీ హృదయమును కలవరపడనియ్యకుడి

✝️ CHRIST TEMPLE-PRODDATUR

- మీ హృదయమును కలవరపడనియ్యకుడి

కష్ట సమయాలు ఎల్లప్పుడూ జీవితంలో ఒక పెద్ద నష్టం లేదా విపత్తు పరిణామాలుగా ఎంచవలసిన అవసరం లేదు. 

ఇవి చాలా చిన్నవి కూడా కావచ్చు, నిర్ణయం తీసుకోవడంలో కష్టం కావచ్చు, జీవితంలో మార్పులకు అనుగుణంగా మారడం కష్టం కావచ్చు లేదా నీ సొంత ఉద్దేశ్యంతో నడిచే జీవితం కోసం దేవుని సూచనలను ప్రణాళికలను అనుసరించడానికి కష్టతరమవ్వచ్చు. అయితే..

అన్ని పరిస్థితులలో మనకు నెమ్మది లేదా శాంతి అవసరం, మనం తీసుకునే నిర్ణయాలను బట్టి మన భవిష్యత్తు, జీవితం, కార్యాచరణ వుంటుంది. దేవుని వాక్యము ప్రకారం అనుసరించడం ద్వారా మన జీవితం ఆశీర్వాదకరంగా వుంటుంది. మన విధేయత ద్వారా ఆశీర్వాదం పొందుకోవచ్చు. అయితే, మనకు అవసరమైనది దేవుని సహాయంతో చేసినప్పుడు మనలో నివసించే పరిశుద్ధాత్మ దేవుడు ఈ శాంతిని సమాధానాన్ని కలిగి ఉండటానికి సహాయం చేస్తాడు.

_యోహాను 14: 27 శాంతి మీ కనుగ్రహించి వెళ్లుచున్నాను; నా శాంతినే మీ కనుగ్రహించుచున్నాను; లోకమిచ్చు నట్టుగా నేను మీ కనుగ్రహించుటలేదు; మీ హృదయమును కలవరపడనియ్యకుడి, వెరవనియ్యకుడి._

దేవుడు మనకు ఒక హెచ్చరికతో కూడిన పరిష్కార మర్గ్నాన్ని తెలియజేస్తూ, అదే సమయంలో మనకు భరోసా కూడా ఇస్తున్నాడు, ఆయన నుండి వచ్చే శాంతి మాత్రమే మనకు విశ్రాంతిని ఇస్తుందని, ఇది మన ఆందోళనలన్నింటినుండి విడుదల కలుగజేసి నెమ్మదిని దయజేస్తుందని గ్రహించగలం.

ఏదైనా సులభంగా దొరికే ఈ ప్రపంచంలో, మనం లోకసంబంధమైన మార్గాన్ని ఎంచుకోవడం కంటే శాంతిని కలిగి ఉండే దేవుని మార్గాన్ని ఎంచుకోవడం ఉత్తమం. ఈ లోక మార్గం ఎల్లప్పుడూ నేత్రాష, జీవపుడంబము, పాపము, దురాశ, ఇష్టానుసారం జీవించడం మనల్ని అశాంతి అసంతృప్తి స్థితిలో వదిలివేస్తుంది, మరోవైపు, దేవుని మార్గం మనల్ని ఆయన విశ్రాంతిలోకి , సమాధానం లోకి, ఆశీర్వాదంతో ప్రవేశించడానికి మరియు అతని శాంతిలో నివసించడానికి అనుమతిస్తుంది. కాబట్టి ఇప్పుడే దేవుని మార్గంలో నడుస్తూ శాంతి సమాధానం కలిగిన మార్గం కావాలని ప్రార్థించి నిర్ణయం తీసుకో.  అట్టి కృప దేవుడు మనకు అనుగ్రహించును గాక ఆమెన్. 

✝️ CHRIST TEMPLE-PRODDATUR