మీ ప్రయత్నాలన్నిటిలో మీరు విజయాన్ని సాధిస్తారు..

✝️ CHRIST TEMPLE-PRODDATUR

 మీ ప్రయత్నాలన్నిటిలో మీరు విజయాన్ని సాధిస్తారు..

మీరు అడుగుపెట్టు ప్రతి స్థలము మీది అగును;...మీ సరిహద్దు వ్యాపించును. ద్వితీయోపదేశకాండము 11:24

నా ప్రియ స్నేహితులారా, నేడు ఈ సందేశము చదువుచున్న మీరు అడుగు పెట్టు ప్రతి స్థలము మీకు సొంతమగునట్లుగా దేవుడు మిమ్మును ఆశీర్వదించాలని మీ పట్ల కోరుచున్నాడు. అంతమాత్రమే కాదు, ప్రభువైన యేసు యందు మీరు నిరీక్షణతో ఉండండి మరియు ఈరోజు ఆయన మీకు వాగ్దానం చేయుచున్నాడు.

 ద్వితీయోపదేశకాండము 11:24వ వచనము. " మీరు అడుగుపెట్టు ప్రతి స్థలము మీది అగును; అరణ్యము మొదలుకొని లెబానోను వరకును యూఫ్రటీసునది మొదలుకొని పడమటి సముద్రము వరకును మీ సరిహద్దు వ్యాపించును '' అని చెప్పబడిన ఈ వచనం యొక్క ప్రాముఖ్యమైన ఉద్దేశమేమనగా, ఈ వాగ్దానం ఇశ్రాయేలీయులకు ప్రభువు ద్వారా ఇవ్వబడినది, అక్కడ ఆయన ఇలాగున సెలవిచ్చియున్నాడు,

 ' అప్పుడు యెహోవా మీ యెదుట నుండి ఈ సమస్త జనములను వెళ్లగొట్టును; మీరు మీకంటె బలిష్ఠులైన గొప్ప జనముల దేశములను స్వాధీనపరచుకొందురు.' 

కానీ, ఈ వచనము దేశముల కోసం లేదా గొప్ప వ్యక్తుల కోసం పోరాడటానికి మాత్రమే వర్తించదు. ఈ వాగ్దానం మీ అనుదిన జీవితంలో కూడా మీకు వర్తిస్తుంది. మీరు ఏదైన ఒక నూతన కార్యమును చేయడానికి, నూతన ఉద్యోగం, నూతన వ్యాపారం ప్రారంభించాలి అని సిద్ధంగా వున్నారా ? లేక చదువులు, వివాహము ఈలాగున ఒక కొత్తదానికి అడుగుపెడుతున్నారనుకోండి మరియు ఈ రోజు ప్రభువు మీతో ఇలా చెబుతున్నాడు, *" మీరు ధైర్యంగా ముందుకు సాగివెళ్లండి!* మీరు అడుగు పెట్టు ప్రతి స్థలాన్ని నీకు ఇస్తాను '' అని మీకు వాగ్దానము చేయుచున్నాడు. ఎంత శక్తివంతమైన వాగ్దానం..దేవునికి స్తోత్రం..

యౌవన వయస్సులో ఉన్న ఒక యౌవనస్థురాలు నూతనంగా స్కూల్‌లో ఒక టీచర్ గా చేరింది. ఆమె వయస్సులో చాలా చిన్నది. కానీ, అక్కడున్న సీనియర్ టీచర్ల నుంచి ఆమెకు తగిన ఆహ్వానం లభించలేదు. కాబట్టి, ఆమె ఆ పాఠశాలకు అనుగుణంగా తనను తాను మార్చుకోవడానికి ఎంతగానో ప్రయత్నించుచుండెను. అయితే, ఆమె అనుదినము బైబిల్‌ను చదివి, ప్రభువు సన్నిధిలో ప్రార్థించిన తర్వాతనే పాఠశాలకు వెళ్లేది. ఆ బలంతో, ఆమె తన విద్యార్థులకు బోధిస్తుండేది మరియు తన విద్యార్థులందరూ ఆమెను ఎంతగానో ప్రేమించేవారు. ఆ పాఠశాలలో విద్యార్థులు ఏ ఉపాధ్యాయులు వారికి బోధించాలనుకుంటున్నారో ఎంపిక చేసుకునే అలవాటు ఉండేది. కాబట్టి, విద్యార్థులు ఎల్లప్పుడూ ఆమెనే ఎన్నుకునేవారు. వారందరూ ఆమెను గౌరవంగా ప్రేమించేవారు మరియు ఆమె తమకు పాఠకులు నేర్పించాలని కోరుకునేవారు. కాబట్టి, వారు ఆమె తరగతులన్నింటికి ఇష్టపూర్వకంగా హాజరయ్యేవారు. దీనితో సీనియర్ టీచర్లు ఆమెపై మరింత అసూయ చెందేలా చేసి, ఆమె మీద అసత్యాలు ప్రచారం చేయడం ప్రారంభించారు.

 తద్వారా ఆమె హృదయం ఎంతో కృంగిపోయినది మరియు అనేకసార్లు ఆమె తన ఉద్యోగంను మానివేయాలని అనుకునేది. కానీ, ఆమె ప్రభువులో బలపడి, ఆమె దేవునికి సేవచేసినట్లుగానే తలంచి మరియు విద్యార్థులకు ఎంతో ప్రేమతో బాధ్యత పూర్వకంగా బోధించేది. చివరగా.. సంవత్సరాంతములో, ప్రిన్సిపాల్ ఆమెకు ఆ సంవత్సరపు ఉత్తమ ఉపాధ్యాయురాలు అవార్డును ఇచ్చి ఆమెను సత్కరించారు. ప్రధానోపాధ్యాయుని అనుగ్రహం పొందడానికి ఇతర సీనియర్ ఉపాధ్యాయులందరికి ఆమెతో స్నేహం చేయడం తప్ప మరో మార్గం లేకపోయినది. చూడండి..

 ఇది ఎంతటి గొప్ప ధన్యత కదా!

అవును, నా ప్రియ స్నేహితులారా, నేడు ఈ సందేశము చదువుచున్న మీరు ఆయనను హత్తుకుని, మీ జీవితంలో ఆయన కృపను పొందినప్పుడు నేడు మీకు కూడా మీ పనుల్లో ఘనత ఇవ్వడానికి ప్రభువు ఎదురుచూస్తున్న విజయం ఇదే. అందుకే, నేడు ఈ సందేశము చదువుచున్న మీ జీవితంలో ప్రభువు నుండి ఈ గొప్ప ఆశీర్వాదాన్ని ఎలా పొందుకోవాలో స్పష్టమైన అవగాహన పొందడానికి వాగ్దాన వచనానికి ముందు మరియు తరువాత వచనాలను అనగా, ద్వితీయోపదేశకాండము 11:22-25 వచనములను చదవమని నేను మిమ్మల్ని ప్రోత్సహిస్తున్నాను. ప్రభువు మిమ్మల్ని ఎలా విజయపథంలోకి నడిపిస్తాడో తెలుసుకోవడం చాలా అద్భుతంగా ఉంటుంది. నేడు ఈ సందేశము చదువుచున్న మీ ప్రయత్నాలన్నిటిలోను ఈ వాగ్దానం ప్రకారం మీరు ఆశీర్వదించబడండి! అయితే, మీరు చేయవలసిందల్లా భూమిపై మీరు అడుగు పెట్టండి, ఈ వాగ్దానం ద్వారా మీ ఆశీర్వాదం మరియు అభివృద్దిపొందుట నిశ్చయమే. ఈ వాగ్దానం ద్వారా దేవుడు మిమ్మును దీవించును గాక. ఆమెన్.

✝️ CHRIST TEMPLE-PRODDATUR