కయీను పశ్చాతాపం..

✝️ CHRIST TEMPLE-PRODDATUR

- కయీను పశ్చాతాపం..

🔸సృష్టిలో జన్మించిన మొట్టమొదటి మానవుడు 

🔸వ్యవసాయకుడు 

🔸మొట్ట మొదటి నరహంతకుడు 

🔸సహోదరుని ప్రేమించలేని వాడు 

🔸కోపం, ద్వేషం కలిగినవాడు 

🔸సత్క్రియలు లేనివాడు 

🔸దేవునికి అంగీకారయోగ్యమైన అర్పణ అర్పించలేనివాడు. 

🔸దేవునిమీద ఎదురు తిరిగినవాడు 

🔸రక్తం ప్రార్ధించడానికి కారకుడు 

🔸నేల తన సారాన్ని కోల్పోవడానికి కారకుడు.

🔸దేవునిచే శపించబడినవాడు 

🔸దేశ దిమ్మరి 

సృష్టిలో అత్యున్నతమైన సృష్టముగా దేవుడు మనిషిని సృష్టించారు. తలిదండ్రుల జన్మనివ్వడం ద్వారా భూమిమీదకు ఏతెంచనున్న మొట్టమొదటి మనిషిగా కయీనును దేవుడు నిర్ణయించారు. అంటే, కయీనుపట్ల దేవునికి ఒక అద్భుతమైన ప్రణాళికవుందనే విషయం సుస్పష్టం. అయితే దేవుడు అతనిపట్ల కలిగియున్న ప్రణాళిక నెరవేరకుండా, తనకివ్వబడిన స్వేచ్ఛను కయీను వాడుకొని, దేవునికి వ్యతిరేకమైన జీవితాన్ని జీవించాడు. తాను అర్పించిన అర్పణ ద్వారా దేవునిని సంతోషపరచలేక పోవడమే కాకుండా, తన 

సహోదరుడైన హేబెలును చంపి, తన పాపమును ఒప్పుకొనక, కప్పుకొని, తనను సృష్టించిన దేవునిమీదే తిరుగుబాటు చేసాడు. దాని ఫలితం శాపం. 

🍥దేవుని శాపము :

కావున నీ తమ్ముని రక్తమును నీ చేతిలోనుండి పుచ్చుకొనుటకు నోరు తెరచిన యీ నేలమీద ఉండకుండ, నీవు శపింప బడినవాడవు; నీవు నేలను సేద్యపరుచునప్పుడు అది తన సారమును ఇక మీదట నీకియ్యదు; నీవు భూమిమీద దిగులు పడుచు దేశదిమ్మరివై యుందువనెను.  -ఆది 4 : 11,12

🍥కయీను ప్రార్ధన:

అందుకు కయీను నా దోషశిక్ష నేను భరింపలేనంత గొప్పది. నేడు ఈ ప్రదేశమునుండి నన్ను వెళ్లగొట్టితివి; నీ సన్నిధికి రాకుండ వెలివేయబడి దిగులుపడుచు భూమిమీద దేశదిమ్మరినై యుందును. కావున నన్ను కనుగొనువాడెవడో వాడు నన్ను చంపునని యెహోవాతో అనెను. (ఆది 4 : 14)

“నా దోషశిక్ష నేను భరింపలేనంత గొప్పది” అని కయీను ప్రార్ధిస్తున్నాడంటే? అతడు చేసినది దోషము అని అతనికి తెలుసు. దోషము అంటే? తప్పు అని తెలిసికూడా చెయ్యడం.  హేబెలును చంపడం దోషము అని, దానికి శిక్ష వుంటుందనే విషయం కూడా తన మనస్సాక్షికి  తెలుసు. తప్పును ఒప్పుకోలేకపోయినాగాని, శిక్షనుండి విడిపించబడుట కొరకు మాత్రం ప్రార్ధించగలిగాడు. 

🍥ప్రార్ధనా ప్రతిఫలం:

అందుకు యెహోవా అతనితో కాబట్టి యెవడైనను కయీనును చంపినయెడల వానికి ప్రతిదండన యేడంతలు కలుగుననెను. మరియు ఎవడైనను కయీనును కనుగొని అతనిని చంపక యుండున (ఆది 4 : 15)

కృపగలిగిన దేవుడు కయీను ప్రార్ధన ఆలకించారు. అతనిని బ్రతుక నిచ్చియుండుటకు గాను, అతనిని చంపినవానికి ఏడంతల శిక్షను విధిస్తూ, అతనికి ఒక గుర్తును వేశారు. ( అది నుదుట మీద ఒక మచ్చ అయ్యుండొచ్చు అనేది కొందరి అభిప్రాయం. గాని, బైబిల్ చెప్పని విషయాన్ని సమర్ధించలేము) ఏది ఏమైనా అతనిని చంపకుండా గుర్తుపట్టేందుకు ఒక గుర్తును వేశారు అనేది మాత్రం వాస్తవం. 

🍥 ముగింపు: 

నీ జీవితంలో ఎన్నిసార్లు దేవునితో ఎదురాడునప్పటికీ పశ్చాత్తాపముతో ఆయన శరణువేడితే నిన్నెంత మాత్రమూ త్రోసివేయరు. నీ ప్రార్థనకు ప్రతిఫలాన్నిస్తారు. ఆరీతిగా మనజీవితాలను సిద్ధపరచుకొని ప్రార్ధనా ఫలాలు అనుభవిద్దాం! అట్టి కృప, ధన్యత ప్రభువు మనకు అనుగ్రహించును గాక! ఆమెన్! ఆమెన్! ఆమెన్!

✝️ CHRIST TEMPLE-PRODDATUR