బానిసత్వం నుండి విడుదల..
✝️ CHRIST TEMPLE-PRODDATUR - బానిసత్వం నుండి విడుదల.. ఇశ్రాయేలీయులు తాము చేయుచున్న వెట్టి పనులనుబట్టి నిట్టూర్పులు విడుచుచు మొరపెట్టు చుండగా, తమ వెట్టి పనులనుబట్టి వారుపెట్టిన మొర దేవుని యొద్దకు చేరెను. నిర్గమ 2:23 దేవుడు అబ్రాహాము గారికి తెలియజేసిన విధంగా, నీ సంతతివారు, తమది కాని పరదేశమందు నివసించి ఆ దేశపువారికి దాసులుగా నుందురు. వారు నాలుగు వందల యేండ్లు వీరిని శ్రమ పెట్టుదురు; వీరు ఎవరికి దాసులవుదురో ఆ జనమునకు నేనే తీర్పు తీర్చుదును. తరువాత వారు మిక్కిలి ఆస్తితో బయలుదేరి వచ్చెదరు. (ఆది 15:13, 14) దీని నెరవేర్పులో భాగంగా, యోసేపును అతని అన్నలు ఇష్మాయేలీయులకు అమ్మడం, వారు తీసుకెళ్లి ఐగుప్తీయులకు అమ్మడం, అక్కడ యేసేపునకు దేవుడు తోడైయుండి ఆయనను ఆ దేశ ప్రధానిని చెయ్యడం, ఆ సమయంలో అతని తండ్రి ఇంటివారు నివసిస్తున్న కనానులో కరవు రావడం, యోసేపు సహోదరులు ధాన్యం కొనడానికి ఐగుప్తుకు వెళ్లడం, యోసేపు వారిని గుర్తుపట్టి, తన తండ్రి ఇంటివారందరిని ఐగుప్తులో నివసించుట కొరకు ఫరోతో మాట్లాడడం, ఆరీతిగా యాకోబు గారి కుటుంబమంతా ఐగుప్తుకు చేరింది. యేసేపు జీవించియున్నంత కాలం, సమృద్ధి, సమాధానంతో గడి...