✝️ CHRIST TEMPLE-PRODDATUR
- క్రైస్తవులు ఆర్మీ & పోలీస్ జాబ్ చేయవచ్చా ?
క్రైస్తవులు ఆర్మీలో చేరవచ్చా ? యుద్ధంలో శత్రువులను చంపవచ్చా ? పోలీస్ జాబ్ చేయవచ్చా ? అనే ప్రశ్నకు చేయవచ్చు అనే సమాధానమే వస్తుంది.!
✨️ పాతనిబంధనలో మనం చూస్తే అబ్రాహాము తన సహోదరుడైనటువంటి లోతు నిమిత్తము తన ప్రైవేట్ సైన్యముతో ఆ రాజులతో యుద్ధం చేసి లోతుని అతని ఆస్తిని కాపాడటం చూస్తాము ఇది (ఆదికాండము,14:16) వ వచనంలో వ్రాయబడింది.!
(ఆదికాండము 14: 14)
*అబ్రాము తన తమ్ముడు చెరపట్టబడెనని విని తన యింట పుట్టి అలవరచబడిన మూడువందల పదునెనమండుగురిని వెంటబెట్టుకొని దానుమట్టుకు ఆ రాజులను తరిమెను.*
(ఆదికాండము 14: 15)
*రాత్రివేళ అతడును అతని దాసులును వారికెదురుగా మొనలు తీర్చి వారిని కొట్టి దమస్కునకు ఎడమతట్టున్న హోబా మట్టుకు తరిమి*
(ఆదికాండము 14: 16)
*ఆస్తి యావత్తు తిరిగి తెచ్చి తన తమ్ముడైన లోతును అతని ఆస్తిని స్త్రీలను ప్రజలను తిరిగి తీసికొని వచ్చెను.*
👉 *ఇక్కడ అబ్రాహాము అనవసరంగా వారితో యుద్ధము చేయలేదు. చెడ్డ వారి బారీ నుండి ప్రజలను కాపాడటానికే అబ్రాహాము గారు యుద్ధం చేసారు.!*
✨️ ఇక ఇశ్రాయేలీయులు కూడ తన ప్రయాణంలో ఎవరితోను అనవసరంగా యుద్ధం చేయలేదు వారు వెళ్ళే మార్గంలో అడ్డుగా ఉన్న దేశాల వారు వారిని వెళ్ళడానికి ఆటంకం కలిగించినప్పుడు వారికి తమ వలన నష్టం కలిగిన ఆ నష్టం మేము భరిస్తామని చెప్పిన వినకపోగా పైగా వారిని ఇబ్బంది పెట్టిన సందర్భంలో మాత్రమే ఇశ్రాయేలీయులు యుద్ధం చేసారు.!
✨️ ఇక తమ భూభాగాలను ఆక్రమించుకొని వెళ్ళని పక్షంలో వారితో యుద్ధం చేసారే తప్ప ఎక్కడ కూడ అన్యాయంగా వారు యుద్ధం చేయలేదు.!
✨️ ఇక గొల్యాతు విషయానికి మనం వస్తే గొల్యాతును చంపిన సందర్భం కూడ మనకి తెలుసు గొల్యాతు దేవునిని దేవుని ప్రజలను 40 దినాలు దూషిస్తూ వస్తున్నప్పుడు అతని పాపం పూర్తయిన తరువాత దావీదు ద్వార గొల్యాతును చంపిస్తాడు.!
(1సమూయేలు 17: 26) వ వచనంలో దీనిని చూస్తాము
*దావీదు-జీవముగల దేవుని సైన్యములను తిరస్కరించుటకు ఈ సున్నతి లేని ఫిలిష్తీయుడు ఎంతటి వాడు? వాని చంపి ఇశ్రాయేలీయుల నుండి యీ నింద తొలగించెదను* ఇక్కడ కూడ దేవున్ని దేవుని సైన్యములను దూషించినందుకే దావీదు గొల్యాతును చంపడం జరిగింది ఇవి పాతనిబంధనలో ఉన్న కొన్ని యుద్దాలు.!
✨️ ఇక క్రొత్త నిబంధనలో కూడ మనము చూద్దాము క్రొత్త నిబంధనకు ముఖ్యమైన వ్యక్తి క్రీస్తు వారు ఈయన ఈ విషయంలో ఏమైనా చెప్పారా అంటే? దానికి చెప్పలేదు కానీ సైన్యంలో ఉన్నవారిని వారించలేదు తప్పుగా చూడలేదు.!
(లూకా సువార్త 7) వ అధ్యాయంలో యేసుక్రీస్తు వారి దగ్గరకి ఒక శతాధిపతి వచ్చి నా దాసుడు చావసిద్ధమైయున్నాడు దయచేసి నా దాసుని స్వస్థపరచమని వేడినప్పుడు యేసుక్రీస్తు వారు అతని విశ్వాసమును చూసి ఇశ్రాయేలీయులలో కూడ ఇంత విశ్వాసమును నేను చూడలేదు అని అతని విశ్వాసాన్ని మెచ్చుకున్నాడే గానీ అతను చేస్తున్న ఆర్మీ జాబ్ ను తప్పు పట్టలేదు అతడు వంద మందికి పైన కమాండర్.
✨️ ఇక పేతురు గారు కూడ కొర్నేలి ఇంటికి వెళ్ళి వాక్యం చెప్పుటకు దేవుడే స్వయాన ఆయనను పంపడం మనము చూస్తాము. కొర్నేలి కూడ వందమందికి పైన కమాండర్ అతని భక్తిని చూసాడే తప్ప అతడు చేస్తున్న మిలటరీ యాక్టివిటీస్ కాదు అతడు భక్తి పరుడని స్వయానా దేవుడే వ్రాయించాడు. పైగా అతడు అన్యుడు కూడా పై ఇద్దరు కమాండర్లు కూడ వారి వారి ఉద్యోగ రిత్యా ఫై నుండి వచ్చు ఏ ఆజ్ఞయైన ఖచ్చితంగా పాటించిన వారే. అందుకే ఆ స్థాయికి వెళ్లారు ఉద్యోగానికి భక్తికి సంబంధం లేదు.
✨️ ఒక వ్యక్తి చేస్తున్న ఉద్యోగము అన్యాయమైన ఉద్యోగమైతేనే తప్ప అది వ్యభిచార వృత్తి, మద్యం అమ్మటము( బ్రాందీ షాపులు) ఇలా సమాజాన్ని పాడు చేసి ప్రజలను పాడు చేసేటువంటి ఉద్యోగాలను దేవుడు సహించడు కానీ *మిలటరీ యాక్టివిటీస్ దేవుని దృష్టిలో తప్పు కాదు.*
✨️ ఐతే ఇక్కడ మనకు ఒక ప్రశ్న వస్తుంది మిలటరీలో అవసరమైతే ఒకరిని చంపడానికి కూడ వెనుకాడరు అలాంటప్పుడు అది నరహత్య అవుతుంది కదా దేవుడు *నిన్ను వలె నీ పొరుగు వారిని ప్రేమించు అని చెప్పాడు కదా* అని (మత్తయి సువార్త,5:44) వ వచనాన్ని మనం జ్ఞాపకం చేసుకుంటాం.!
(మత్తయి 5: 44)
*నేను మీతో చెప్పునదేమనగా, మీరు పరలోకమందున్న మీ తండ్రికి కుమారులై యుండునట్లు మీ శత్రువులను ప్రేమించుడి. మిమ్మును హింసించు వారికొరకు ప్రార్థన చేయుడి.*
✨️ శత్రువులనైన ప్రేమించమని చెప్పిన దేవుడు ఇప్పుడు మిలటరీలో శత్రువులను చంపడం వాక్యానుసారం అవుతుందా అని అనవచ్చు? అది కూడ నిజమే అని అనిపిస్తుంది ఇక్కడే మనం గ్రహించవలసిన ఒక ప్రాముఖ్యమైన సంగతి ఉంది ఇక్కడ దేవుడు నీ శత్రువులను నీ పర్సనల్ శత్రువులను క్షమించమని చెప్పాడు అంతే కానీ దేశాన్ని దేశ ప్రజలను నాశనం చేసే వారి గురించి మాత్రం కాదు.
✨️ ఇప్పుడు చైనా పాకిస్తాన్ వారిని మనం చూద్దాం మన దేశము ఊరకనే ఎవరి మీద యుద్ధం చేయడం లేదు. మన వారిని చంపడానికి వచ్చిన వారిని ఉగ్రవాదుల మీద మనము యుద్ధము చేస్తున్నాము.
✨️ అసలు ప్రభుత్వాలకు ఈ మిలటరీ వ్యవస్థ గానీ,పోలీస్ వ్యవస్థ గానీ,ఎందుకు ఉండాలి? ఈ విషయం మనకు అందరికి తెలిసిన విషయమే ఎందుకంటే ఒక దేశము మరొక్క దేశాన్ని దోచుకొనకుండ తమకు నచ్చిన విధంగా పొరుగు దేశాలను ఆక్రమించుకొని ప్రజలను బాధ పెట్టకుండ మరియు ప్రజలలో ఉన్నటువంటి కొంతమంది చెడ్డ వారి దగ్గర నుండి కొంతమంది మంచి వారిని కాపాడటానికి అంటే సెల్ఫ్ ప్రొటెక్షన్ కోసం ఈ మిలటరీ వ్యవస్థ గానీ పోలీస్ వ్యవస్థ గానీ వచ్చింది.!
👉 ఇక యోహాను దగ్గరకు వచ్చినటువంటి కొంతమంది సైనికులు అడిగిన ప్రశ్నను కూడ మనం చూడాలి.!
(లూకా 3: 14) వ వచనం చూడండి
*సైనికులును మేమేమి చేయవలెనని అతని నడిగిరి. అందుకు అతడుఎవనిని బాధపెట్టకయు, ఎవని మీదను అపనింద వేయకయు, మీ జీతములతో తృప్తిపొందియుండుడని వారితో చెప్పెను.*
✨️ ఇక్కడ బాప్తిస్మము ఇచ్చు యోహాను మీ ఉద్యోగంను బట్టి మీరు ఇలా ఉండాలి అని చెప్తున్నాడే తప్ప మీరు చేసేది తప్పు అని సైనికులతో చెప్పడం లేదు. అంటే సైనికులలో కొందరు వారికి వచ్చే జీతముతో సంతృప్తి పొందరు అని లంచం తీసుకుంటారని అందుకే ఆయన ఈ మాట చెప్పారు. *అధికారం ఉంది కదా అని లంచము తీసుకోకూడదు. అధికారముంది కదా అని అన్యాయంగా ఎవరిని బాధ పెట్టకూడదు.* ఎవరిని అన్యాయంగా కష్టపెట్టకూడదు. *ప్రభుత్వం వారు మిలటరీ వ్యవస్థను ఏర్పాటు చేసింది ప్రజల మేలుకే తప్ప కీడు కొరకు కాదు.!*
✨️ ఇది ఫ్రెండ్స్ దేశ ఆర్మీలో యైనా,పోలీస్ వ్యవస్థలోనైనా,క్రైస్తవులు ఉద్యోగము చేయవచ్చు ఐతే మీ సొంత లాభం కొరకు మాత్రము ఎవరి మీద అన్యాయంగా ప్రవర్తించకండి.! మన భారతదేశ మిలటరీ సైనికులకు నా సెల్యూట్.. వారి క్షేమం కోసం ప్రార్థన చేద్దాం.
👉 *దేవుని యొక్క మహా ఉన్నతమైన కృపా కాపుదల మీ అందరికి తోడైయుండి బలపరచును గాక...!!!*
✝️ CHRIST TEMPLE-PRODDATUR
