- దేవునికి ఇచ్చుటలో నీ వైఖరి ఏమిటి ?

✝️ CHRIST TEMPLE-PRODDATUR

- దేవునికి ఇచ్చుటలో  నీ వైఖరి ఏమిటి ?

👉 నేను కానుకలు సమర్పించకపోతే, సంఘము నడవదని, సేవకుడు పోషింపబడలేడని,  సంఘమంతా నాపైనే ఆధారపడివుందని నీవు అతిశయిస్తూ ఉన్నట్లయితే, నీయంతటి ఆధ్యాత్మిక దారిద్ర్యంలో కొనసాగుతున్న వ్యక్తి మరొకరు నీ సంఘములో లేరని గుర్తించు. 

-నీ రాబడి అంతటిలో ప్రథమఫలమును నీ ఆస్తిలో భాగమును ఇచ్చి యెహోవాను ఘన పరచుము. - సామెతలు 3:9

ఈ సందేశం చదువుతున్న ప్రియ సహోదరీ,సహోదరులారా మీ కోసం కన్నీళ్ళతో ప్రార్థన చేసిన సేవకుని క్షేమం గురించి ఎప్పుడైనా ఆలోచించావా ? పరిస్థితులు బాగులేనప్పుడు కన్నీళ్ళతో పాస్టరయ్య...అంటూ సేవకుడు, సంఘం గుర్తుకొస్తుంది , పరిస్థితులు చక్కబడిన తర్వాత సేవకుడు గుర్తు రారు, సంఘము గుర్తు రాదు కదా..చాలా మంది విశ్వాసులు ఇలాగే వుంటున్నారు. సంఘం అవసరతలు గురించి ఆలోచించావా ? మీ దశమ భాగం పురుగులు కు వెస్తున్నావా ? లేక సంఘానికి సేవ కోసం ఇస్తున్నావా ? ఆలోచించు..సేవకుడు సంఘంలో గుర్తు చేశాడంటే, సేవా అవసరత కోసం సేవకుడు నిన్ను ప్రత్యేకంగా నిన్ను అడిగాడంటే ఆ అవసరత గుర్తించు, చేతనైతే నీ సహాయం చెయ్యి..దేవుడు చెప్పినట్లు వాక్యానికి లోబడు.. అంతే కానీ సేవకుని, సంఘాన్ని బిచ్చగాడి వలె, చీప్ గా చూడకు...ఎందుకో తెలుసా సేవకులను దేవుడు అగ్ని దూతలుగా చేసుకున్నాడు. అందుకే వారు అడుగు పెడితే ఆశీర్వాదం..ఇది సేవకులకు దేవుడు ఇచ్చిన ధన్యత.

👉 “యేసు స్వామీ .... నీకు నేను నా సమస్త మిత్తును” అంటూ సాగడదీసుకొంటూ పాడి, ‘టంగ్ మంటూ’ ముష్టివానికేసినట్లు ఒక రూపాయి బిళ్ళ కానుక పెట్టెలో పడేస్తున్నావా ? నిజంగా నీదగ్గర లేకపోతే, రెండుకాసులు వేసి, ప్రభువు మెప్పును పొందిన విధవరాలివలే నీవునూ అట్టి మెప్పును పొందగలవు. అట్లా కాకుండా,  నోట్స్ అన్ని బీరువాలో దాచి,లాకర్ లో దాచి, రాయల్ గా వేలల్లో షాపింగ్స్, రాయల్ గా ఫ్యామిలీతో కాస్ట్లి హోటల్ డిన్నర్స్ చేస్తూ కాని చర్చి కి వచ్చేసరికి, సేవకుని ఇవ్వాలి అనేసరికి సనుగుతు, గొణుగుతూ మాత్రం ప్రభువుకు సమర్పించావంటే, నీవు పొందుకొనే ఆశీర్వాదాలు కూడా అట్లానే ఉంటాయి. నీవు ప్రేమించే నోట్స్ మాత్రం హాస్పిటల్ వైపు పరుగులు తీస్తానంటాయి. ఈ మాట ఎందుకు చెబుతున్నానంటే నా జీవితంలో నేను నేను పరిపూర్ణంగా రక్షణ పొందనప్పుడు దేవునికి ఇవ్వకుండా దేవుణ్ణి ,సేవకుని మోసం చేసినప్పుడు ఎన్నో సమస్యలు, అనవసర ఖర్చులు చూసాను..అయ్యో పొరపాటు చేసానే..అని ఎంతో ఏడ్చాను కూడా..

👉 షాప్స్ అన్ని తిరిగేసి, ఇంకెక్కడా మారదని చెప్పిన నోట్ తీసుకొచ్చి, సీక్రెట్ గా చందా సంచిలో వేసేయ్యకు.. దేవునికి సమర్పించేదేదైనా శ్రేష్ఠమైనదే సమర్పించు. 

👉 కానుకలు సమర్పించే సమయంలో మెల్లగా లేచి బయటకు వెళ్లిపోవద్దు. నిజంగా సమర్పించడానికి నీ దగ్గరలేకపోతే ఆ విషయం ప్రభువుకు తెలుసు. కానుక వెయ్యడానికి డబ్బులు లేవు, వెయ్యకపోతే ప్రక్కవారు ఎదో అనుకుంటారని, మందిరానికి వెళ్లడం మానెయ్యొద్దు. 

👉 తప్పదు అన్నట్లు, ఇష్టం లేకుండా కష్టంగా ఏది దేవునికి సమర్పించొద్దు. కయీను , హేబెలు అన్నదమ్ముల అర్పణ లో ఎవరి కానుక దేవుడు అంగీకరించాడో గుర్తు చేసుకో...

👉 ఒకాయన మందిరానికి ఫ్యాన్ బహూకరించి, స్పీడ్ గా తిరగడానికి వీల్లేదన్నాడట. ఫ్యాన్ రెక్కల మీద వ్రాయబడిన తనపేరు కనబడదని. కుర్చీ వెనుక పేరు, బెంచీ వెనుకపేరు, చేతితో పట్టుకున్న మౌత్ మీద పేరు, ఏది యిస్తే దాని మీద పేరు. మనుష్యుల ఘనతను కోరుకొనే నీవు, దేవునినుండి పొందేదేమీలేదని గ్రహించు. 

చివరిగా ఒక్కమాట! 

నీ హృదయాన్ని దేవునికి సమర్పించకుండా, లక్షలు చెల్లించినాగాని అవి దేవునిచేత అంగీకరించబడవు అనే విషయం మాత్రం మరచిపోవద్దు. మొదట హృదయాన్ని తర్వాత శ్రేష్టమైన కానుక దేవునికి అర్పించి దీవెనలు పొందుదాము. ఆమెన్.

✝️ CHRIST TEMPLE-PRODDATUR